ÑAWPAQ YACHAYNINCHISKUNA

PICHIRHUA YACHAYWASIMANTA YACHAQ WARMAKUNA

Ñawpaq  yachaqkunamanta  yachariykuchkanku

Qillqaq: P.A Wilman Caichihua Robles

 Pichirhua yachaywasimantan, Chunka  hukniyuq Yachaq warmakuna llaqtankuman lluksirispaku, ñawpaq Yachaq machukunata tapurikuspaku,  nuqanchispa yachayninchiskunamanta  yachariykuchkanku.

“Kanraqmi llaqtakunapi yachaqkuna, tukuy imaymana llaqtanchiskunapa yachayninkunata waqaychaq, ichaqa chinkapuchkanñayá, manayá pipas qawarinñachu, chaymi Yachaq warmakunawan  llaqtaman lluksirispayku  ñawpaq yachaqkunawan rimarimuyku, grabadora, filmadora nisqanchispi grabamuyku ima, chaymantaña yachaywasiman kutimuspayku, kaqmanta qawarispayku, uyarispayku yachayninchiskunamanta qillqachkayku”,saynata  nin  warmakunaq amawtan.

Kay punchawkunan mana llaqtankupi para kaptin, Tayta Favio Contreras yachaqman itiykuspanku, qucha warakaymanta, apukunamanta, pachamamanchismanta, tinkakuymanta, qaywarikuymanta ima    tapurikamunku.

Yachaq warmakunaqa  kusi kusillañan llaqtanku yachaynintaqa yachariykuchkanku, ichaqa nichkankun, icha watakunaman  runasiminchista allinta yacharinchisman nispa, “Munaykun yachaqkuna, abuelonchiskuna profesorniyku kananta, munaykun yachachiwanankuta”, nispa.

Kay punchawkunas  Kaqmanta kuntinqaku  tayta  Favioman, paysi  imaynas winchus rumi yawarta waqan chayta Yachaq warmakunaman qawachinqa, hinallataq ima unquykunapaqsi allin chayta yachachimunqa.