HARAWIKUNA II - POESÍAS

IMARAQTAQ  KAYRI

Hanaq pachan phiñarikuchkanña

Ritichus ritinqa, chikchichus chikchinqa

Icha qasawan, wayrawanchus rupharimunqaña,

¡Imaraqtaq kayri!.

Taytay Apu Tarpaya ama phiñakuychu

Mamay Apu Wachwalla ama waqaychu;

Qaqakunachus rimarimunqa,

Icha yawar mayuchus rimarimunqa,

¡Imaraqtaq Kayri!.

Ñawsan kasqanchis ñawinchismanta,

Ruktutaqmi kasqanchis nirinchismanta,

Ñukutaqmi kasqanchis chakinchismanta,

Ichaqa, purichkanchisraqmi, llankachkanchisraqmi,

¡Imaraqtaq kayri!.

Allqukunan awllariykamuchkanña,

Unquy takin asnariykamuchkanña,

Ichaqa manañan sunquy manchakunñachu.

Taytay Apu Tarpaya, Mamay  Wachwalla,

Kaypin wawaykikuna kachkayku,

Amayá qunqaruwankikuchu,

Aswanyá qawariwankiku,

Kallpachawankiku, puririchiwankiku.

Qillqaq: Kuntur (Wilman Caichihua Robles)

Pichirhua, Noviembre  2005